சுவீஸ் உதயம் அமைப்பானது கல்விக்காகவே பல உதவிகளைச் செய்து வருகின்றது.

Editor
By Editor June 28, 2017 13:56

சுவீஸ் உதயம் அமைப்பானது கல்விக்காகவே பல உதவிகளைச் செய்து வருகின்றது.

கல்வியின் மூலமே எதனையும் சாதிக்க முடியும் என்பதனை உணர்ந்து எமது சுவீஸ் உதயம் அமைப்பானது கல்விக்காகவே பல உதவிகளைச் செய்து வருகின்றது என சுவீஸ் உதயத்தின் சர்வதேச பொருளாளர் சமூகசேவகர் க.துரைநாயகம் தெரிவித்தார்.
திருக்கோவில் கல்வி வலயத்திற்குட்பட்ட காஞ்சிரங்குடா அரசினர் தமிழ்க்கலவன் பாடசாலை மாணவர்களுக்கு கற்றல் உபகரணமும் மற்றும் போக்குவரத்துக்காக மாதாந்தம் பருவகால சீட்டு வழங்குவதற்கான காசோலை வழங்கும் நிகழ்வும் அதிபர் எஸ்.சண்முகநாதன் தலைமையில் 27 ஆம்திகதி காலை காஞ்சிரங்குடா அரசினர் தமிழ்க்கலவன் பாடசாலையில் நடைபெற்ற நிகழ்வில் பிரதம அதிதியாகக் கலந்துகொண்டு பேசுகையில் மேற்கண்டவாறு தெரிவித்தார்
பின்தங்கிய பிரதேசமாக இருக்கும் அலிக்கம்பைக் கிராமத்தில் வசிக்கும் மாணவர்களின் நலனைக் கருத்தில் கொண்டு அப்பாடசாலையின் அதிபர் வேண்டிக் கொண்டதற்கு இணங்க  சுவீஸ் உதயம் அமைப்பு போக்குவரத்து வசதியை ஏற்பாடு செய்வதற்காக அக்கரைப்பற்று இலங்கை போக்குவரத்துச்சபை முகாமையாளருடன் தொடர்புகொண்டு அவர்களுக்கான போக்குவரத்து வசதியை ஏற்படுத்தியதுடன் இலவச பருவகாலசீட்டையும் ஓழுங்குசெய்து வழங்கிவைத்தனர்.
அப்பாடசாலையில் கல்வி பயிலும் 52 மாணவர்களுக்கும் சுவீஸ் உதயம் அமைப்பின் மூலம் போக்குவரத்துக்கான பருவகாலசீட்டு வழங்கிவைக்கப்பட்டது
இந்நிகழ்வில் சுவீஸ் உதயத்தின் கிழக்குமாகாணக் கிளைத்தலைவர் மு.விமலநாதன் செயலாளர் பி.பாலச்சந்திரன் பொருளாளர் பாவாணர் அக்கரைப்பாக்கியன் பிரதித்தலைவர் கந்தசாமி மற்றும் அப்பாடசாலையின் ஆசிரியர்கள் கலந்து கொண்டனர்.
அவர் மேலும் பேசுகையில் கடந்த கால வரலாற்றை நோக்கும் போது எமது சமூகம் கல்வி மட்டுமல்ல அனைத்துவிடயங்களிலும் பின்னடைவுகண்டுள்ளோம் இந்தப் பின்னடைவுகளில் இருந்து நாம் முன்னேறவேண்டும் அதிலும் கல்வியிலே அதிக அக்கறைகாட்டி கல்வியில் முன்னேறவேண்டும் அதற்காகத்தான் புலம்பெயர்ந்து வாழ்ந்துகொண்டிருக்கும் எமது உறவுகள் அனைவரும் ஒன்றிணைந்தே சுவீஸ் உதயத்தின் மூலம் உதவிகளை வழங்கிவருகின்றோம். இந்த உதவிகளைப்பெறும் நீங்கள் எதிர்காலத்தில் நல்லதோர் தலைவர்களாக வந்து அனைவருக்கும் உதவிசெய்யவேண்டும் .என்பதில் சுவீஸ் உதயத்தின் தலைவர் செயலாளர் மற்றும் அவ் அமைப்பின் நிருவாகசபை உறுப்பினர்கள் அனைவரினது விருப்பமாகவும் வேண்டுகோளாகவும் இருக்கின்றது.
Editor
By Editor June 28, 2017 13:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*