கொவிட் தொற்று காரணமாக, தற்போது தங்கள் வீடுகளுக்கு அருகிலுள்ள தேசிய பாடசாலைகளில் தற்காலிகமாக இணைக்கப்பட்டுள்ள ஆசிரியர்கள் தங்கள் பதவிக்காலத்தை அங்கேயே நீடிக்கலாமென கல்வி அமைச்சகம் அறிவித்துள்ளது.
நாட்டில் நிலவும் சூழ்நிலை காரணமாக பாடசாலைகள் மூடப்பட்ட காலகட்டத்தில், தேசிய பாடசாலை ஆசிரியர்களுக்கு அவர்களின் நிரந்தர பணியிடத்திலிருந்து மற்றொரு தேசிய பாடசாலைக்கு தற்காலிக இணைப்புகளை மேற்கொள்ள கல்வி அமைச்சகம் வாய்ப்பளித்தது.
எனினும், அந்த காலங்களை நிறைவு செய்த ஆசிரியர்கள் தங்களது நிரந்தர பணியிடத்திற்கு அறிக்கை அளிக்க வேண்டும் என்று கல்வி அமைச்சகம் ஒரு அறிக்கையில் தெரிவித்துள்ளது.
இணைக்கப்பட்ட காலத்தை மேலும் நீடிக்க விரும்பும் ஆசிரியர்கள் இருந்தால், பாடசாலைகள் தொடங்கப்பட்ட பின்னர் அவர்கள் நிரந்தர வேலை செய்யும் இடத்தின் அதிபரின் பரிந்துரையுடன் கல்விப் பணிப்பாளரிடம் (ஆசிரியர் இடமாற்றம்) கோரிக்கையை முன் வைக்க வேண்டும் என்று அமைச்சு வெளியிட்டுள்ள அறிக்கையில் தெரிவித்துள்ளது .
