சிறந்த நல்லொழுக்கமிக்க சமூகத்தினை கட்டியெழுப்பி நாட்டில் சிறந்த தலைமைத்துவத்தினையும், சிறந்த நற்பிரஜைகளையும் உருவாக்கும் வகையில் இலங்கை பொலிஸ் திணைக்களத்தினால் பாடசாலை ரீதியாக கடேற் பிரிவினை உருவாக்கும் செயற்றிட்டங்கள் தொடர்ந்து முன்னெடுக்கப்பட்டு வருகின்றன.
இந்த நிகழ்வில் மட்டக்களப்பு வலய பிரதி கல்வி பணிப்பாளர் திருமதி எஸ்.ரவிராஜ் சிறப்பு அதிதியாக கலந்துகொண்டதுடன் மட்டக்களப்பு மெதடிஸ்த மத்திய கல்லூரி அதிபர் ஆர்.பாஸ்கர்,புனித மைக்கேல் கல்லூரி அதிபர் பயஸ் ஆனந்தராஜா உட்பட அதிபர்கள்,ஆசிரியர்கள்,மாணவர்கள்
இதன் கீழ் மட்டக்களப்பு கல்வி வலயத்தில் முதல் கட்டமாக 10 பாடசாலைகள் தெரிவுசெய்யப்பட்டு அங்கு கடேற் பிரிவுகள் ஆரம்பிக்கப்பட்டுள்ளன.இதன்போது கடேற் பிரிவில் தெரிவுசெய்யப்பட்ட மாணவர்களுக்கான சான்றிதழ்களும் வழங்கிவைக்கப்பட்டன.
இந்த நாடு சுதந்திரம் அடைந்தபோது இந்த நாட்டில் பூச்சியம் ரீதியான கடனே இருந்தது.அன்று சிங்கப்பூர் ஜனாதிபதி இலங்கைக்கு வந்துசென்றபோது நான் இலங்கைபோன்று சிங்கப்பூரை மாற்றுவேன் என்று குறிப்பிட்டிருந்தார்.ஆனால் இன்று சிங்கப்பூர் எங்கு உள்ளது நாங்கள் எங்கு இருக்கின்றோம்.சிறந்த ஒழுக்கமிக்க சமூகத்தினை சிங்கப்பூர் கட்டியெழுப்பியதன் காரணமாகவே அந்த வளர்ச்சியேற்பட்டது.ஒழுக்கம் கட்டியெழுப்பப்படும்போது வீட்டில் சிறந்த நிலையுருவாகும்,நாட்டிலும் சிறப்பாக நிலையேற்படும்.ஒழுக்கம் இருக்கும்போது அந்த நாடு வெற்றிபெற்ற நாடாக மாறும்.அதற்கான முயற்சிகளையே இன்று நாங்கள் முன்னெடுத்து வருகின்றோம்.
இந்த கடேற் படையின் மூலம் மாணவர்கள் மத்தியில் சிறந்த தலைமைத்துவமும் ஒழுக்கமிக்க நாடும் கட்டியெழுப்பப்படும் என நான் நம்புகின்றேன்.இந்த படையணியில் மாணவர்கள் இணைந்து பணியாற்றுவதன் மூலம் எதிர்காலத்தில் தொழில் வாய்ப்பு ஒன்றினை பெற்றுக்கொள்ளும் வாய்ப்பும் ஏற்படும்.இன்று பொலிஸ் திணைக்களத்திலும் முப்படையிலும் தமிழ் மொழி தெரிந்த அதிகாரிகளுக்கான பாரிய வெற்றிடங்கள் உள்ளன.தமிழ் இளைஞர் யுவதிகள் இந்த வெற்றிடத்தினை நிரப்புவதற்கு முன்வரவேண்டும்.தமிழ் மொழி பேசுவோரை உள்ளீர்ப்பதற்கு முப்படையினரும் பொலிஸாரும் கதவிகளை திறந்துவைத்துள்ளனர்.அதனை பயன்படுத்த வேண்டும்.அதன் மூலம் சிறந்த ஒரு நாட்டினை கட்டியெழுப்பமுடியும்.
