கட்டுநாயக்க விமான நிலையத்தில் குடிவரவு-குடியகல்வு பணிகள் தாமதமடைவதைத் தடுப்பதற்காக, பல நடவடிக்கைகள் முன்னெடுக்கப்படுவதற்கு திட்டமிடப்பட்டுள்ளதாக, போக்குவரத்து மற்றும் சிவில் போக்குவரத்து அமைச்சு தெரிவித்துள்ளது.
அதற்கமைய, குடிவரவு- குடியகல்வு மற்றும் சுங்க கட்டுபாட்டு நடவடிக்கைகள் தொடர்பில் வழிநடத்த விமான நிலையத்தில் பல்வேறு நிலையங்களை அமைப்பதற்கும், அறிவிப்பு பலகை, வர்ண சமிக்ஞைகளை தேவையான இடங்களில் பொருத்தவும் அமைச்சர் அர்ஜுன ரணதுங்க அறிவுரை வழங்கியுள்ளதாகவும் அமைச்சு தெரிவித்துள்ளது.
இதன்மூலம் விமானநிலையத்தில் குடிவரவு-குடியகல்வு திணைக்களத்தின் பணிகள் விரைவுப்படுத்தப்பட்டு பயணிகளுக்கு அதிகம் வசதிகளைப் பெற்றுக்கொடுக்க எதிர்பார்த்துள்ளதாகவும் அமைச்சு குறிப்பிட்டுள்ளது.
