கொழும்பு நகரில் யாசகம் செய்பவர்கள் ஊடாக போதைப் பொருள் வர்த்தகம் முன்னெடுக்கப்படுகின்றமை உறுதிப்படுத்தப்பட்டுள்ளதாக மேல்மாகாண ஆளுநர் அஸாத் சாலி தெரிவித்துள்ளார்.
எனவே இதனை கவனத்திற்கொண்டு கொழும்பு நகரிலுள்ள யாசகர்களை அகற்றும் வேலைத்திட்டம் ஒன்று முன்னெடுக்கப்படுவதாக ஆளுநர் மேலும் தெரிவித்துள்ளார்.
இந்த விடயம் குறித்து பாதுகாப்பு செயலாளர் மற்றும் பொலிஸாருடன் கலந்துரையாடல் முன்னெடுக்கப்பட்டுள்ளதாகத் தெரிவித்த அவர், யாசகர்கள் வாழக் கூடிய சூழலை ஏற்படுத்திக் கொடுப்பதற்கான நடவடிக்கை எடுக்கப்பட்டுள்ளதாகவும் மேல்மாகாண ஆளுநர் அஸாத் சாலி தெரிவித்துள்ளார்.
