சித்தருள் சித்தர் சித்தர் ஸ்ரீ சித்தானைக்குட்டி சுவாமியின் 70ஆவது குருபூஜை, நாளை சனிக்கிழமை 14ஆம் திகதியாகும்.
சுவாமிகள் சமாதியடைந்த காரைதீவு ஸ்ரீ சித்தானைக்குட்டி சுவாமி ஜீவசமாதி ஆலய மடாலயத்தில், ஊர்வலமும் , மகாயாகமும் ,குருபூஜை வழிபாடும், அன்னதானமும் வருடாந்தம் நடைபெறுவது வழக்கம்.
இம்முறை நாட்டில் மிகவேகமாக பரவிவருகின்ற கொரோனா நோய் காரணமாக ஸ்ரீ போகரின் அவதாரமாகிய ஸ்ரீ சித்தானைக்குட்டி சுவாமியின் 70வது குருபூசை நிகழ்வானது, மிகுந்த கட்டுப்பாடுகளுடன் யாகமும் ,குருபூஜையும் மாத்திரமே இடம்பெ
இது சம்பந்தமாக, சுகாதார அதிகாரிகளுடன் ஜீவசமாதி ஆலய பரிபாலன சபை நிருவாகத்தினர் கலந்துரையாடல் நடைபெற்றது.
அதன்படி, அடியவர்கள் இன்றும் (13) , நாளையும் (14) திகதிகளில் ஆலயத்திற்கு வர அனுமதிக்கப்படமாட்டார்கள்.
நிர்வாகசபை மற்றும் குருக்கள் உட்பட 15பேர் மாத்திரம் ஆலயத்திற்குள் அனுமதிக்கப்பட்டு சுவாமியின் யாகமும், குருபூஜையும் இடம்பெறவுள்ளது.
தற்கால சூழ்நிலையை மனதில் கொண்டு அனைத்து அடியவர்களும் இதனை ஏற்றுக்கொள்ளுமாறு தாழ்மையுடன் வேண்டிக்கொள்கின்றோம் என நிருவாகம் அறிவித்துள்ளது.
ஆலயத்தில் இடம்பெறும் நிகழ்வு karaitivu webteam ஊடாக நேரடியாக வழங்கப்படவுள்ளது. ஆகவே அடியவர்கள் வீட்டில் இருந்து வழிபாட்டில் ஈடுபடுமாறு பணிவுடன் வேண்டிக்கொள்கிறோம்.
சுவாமியின் குருபூசையை முன்னிட்டு ,வழமைபோல் இவ்வருடமும் வசதிகுறைந்த மக்களுக்கு மிகவிரைவில் உலர் உணவு பொதிகள் வழங்கப்படும் என்பதையும் தெரிவித்துக்கொள்கிறோம் .
செல்லும் பாதை வேறுபட்டதாக இருப்பினும் அடையும் இடம் உன்னதமானதாய் அமையும்.உங்கள் கைங்கரியங்கள் உயரிய நோக்கங்களுக்காக பயன்படுத்தப்படுமென தெரிவித்துக்கொள்கிறோம். என்று நிருவாகம் அறிவித்துள்ளது.
