நீண்டகாலமாக இருள்சூழ்ந்து காணப்பட்ட விளையாட்டு மைதானத்திற்கு மின்சார இணைப்பு கொடுக்கப்பட்டது.
கோட்டைக்கல்லாறு பொது விளையாட்டு மைதானத்திற்கான மின்சார இணைப்பிற்கான வேலைகள் சனிக்கிழமை(21)நடைபெற்று மின்சாரம் வழங்கப்பட்டது.
இதற்கமைவாக குறித்த விளையாட்டு மைதானம் நீண்டகாலமாக இரவில் இருள்சூழ்ந்து விளையாட்டு பயிற்ச்சிகள் இடம்பெறாமலும்,விளையாட்டு நிகழ்வுகள் நடாத்துவதற்கு மின்சாரம் இல்லாமல் காணப்பட்டது.இதனை நிவர்த்தி செய்யும் நோக்கில் கோட்டைக்கல்லாறு பொது விளையாட்டு கழகங்கள் ஒன்றிணைந்து தமிழ்மக்கள் விடுதலைப்புலிகள் கட்சியின் மண்முணை தென் எருவில் பற்று களுதாவளை பிரதேச சபை உறுப்பினர் த.சுதாகரனிடம் விடுத்த கோரிக்கை அமைவாக கட்சியின் பொதுச்செயலாளர் ஊடாக கட்சியின் தலைவரின் கவனத்துக்கு தெரியப்படுத்தியதற்கு அமைவாக குறித்த விளையாட்டு மைதானத்தின் விளையாட்டு மைதானத்திற்கான மின்சாரத்தூண்கள் நடப்பட்டு மின்சார இணைப்பு வழங்கிவைக்கப்பட்டது.
குறித்த மின்சார இணைப்பு வேலைத்திட்ட நிகழ்வில் பிரதேச சபை உறுப்பினர் த.சுதாகரன்,கோட்டைக்கல்லாறு விளையாட்டு கழகங்களின் பிரதிநிதிகள், கட்சி ஆதரவாளர்கள் கலந்துகொண்டார்கள்.
