மகிழூர் பெரியகுளத்தில் குடும்பஸ்தர் ஒருவரின் சடலம் அழுகிய நிலையில் திங்கட்கிழமை மீட்கப்பட்டுள்ளது.
உயிரிழந்தவர் மகிழூர் கண்ணகிபுரத்தைச் சேர்ந்த மூன்று பிள்ளைகளின் தந்தையான ந.கோபால் (42வயது) என அடையாளம் காணப்பட்டுள்ளார்.
உயிரிழந்தவர் கடந்த 17 ஆம் திகதி வீட்டில் இருந்து புறப்பட்டுள்ளார் இந்நிலையில் ஜந்து நாட்கள் கழிந்த நிலையில் மகிழூர் பெரியகுளம் பகுதியில் குறித்த நபரின் சடலம் நீரில் கிடந்த அழுகிய நிலையில் மீட்கப்பட்டுள்ளது.உயிரிழந்தவர் முதலைக்கடிக்கு இலக்காகி உயிரிழந்திருக்கலாம் என நம்பப்படுகின்றது
இச்சம்பவம் தொடர்பில் மேலதிக விசாரணைகளை களுவாஞ்சிகுடி பொலிஸார் மேற்கொண்டு வருகின்றனர்.
