நாட்டில் தற்போது நிலவிவரும் சீரற்ற காலநிலை காரணமாக இது வரை 7 பேர் உயிரிழந்துள்ளதாகவும், 12 மாவட்டங்களில் 3438 குடும்பங்கள் பாதிக்கப்பட்டுள்ளதாகவும் அனர்த்த முகாமைத்துவ மத்திய நிலையம் தெரிவித்துள்ளது.
தற்போது பொல்கொல்ல நீர்தேக்கத்தின் 7 வான் கதவுகள் திறக்கப்பட்டுள்ளதாகவும், இதன் காரணமாக மகாவலி கங்கையை அண்மித்த பகுதிகளில் இருப்பவர்கள் அவதானமாக இருக்குமாறும் அறிவித்தல் விடுக்கப்பட்டுள்ளது.
மேலும், நில்வள கங்கை, ஜின் கங்கை, களு, களனி, மா ஓயா ஆறுகளும் பெருக்கெடுக்கும் அபாயம் உள்ளதாகவும் எச்சரிக்கை விடுக்கப்பட்டுள்ளமை குறிப்பிடத்தக்கது.
